Po vazhdon intensivisht kërkimi për arrestimin e Mefail Shkodrës dhe dy djemve të tij Edonisit dhe Engjullit, të dyshuar për vrasjen e trefishtë të dielën në Gjilan.

Ismet Hashani, zëdhënës i policisë për rajonin e Gjilanit për Arbresh.info ka bërë të ditur se janë zhvilluar shumë bastisje në lokacione të ndryshme ku kanë mundur të strehohen të dyshuarit.

“Policia e Kosovës ka ndërmarrë masa të shtuara për lokalizimin dhe arrestimin e të dyshuarve të këtijë rasti të rëndë. Përveq masave operative që i kemi në vazhdimësi kemi apeluar edhe përmes mediave duke i bërë publike profilet e personave të dyshimtë të kërkuar dhe kushdo që posedon informacion në lidhje me vendëndodhjen e tyre ta kontaktoj Policinë e Kosovës ku do qoftë në stacionin ma të afërt”, tha Hashani.

“Janë njoftuar të gjitha pikatë kufitare që nga momenti i parë kur është raportuar rasti. Janë zhvilluar shumë bastisje në lokacione të ndryshme ku kemi besuar se mundë të strehohen të dyshuarit. Ende nuk janë arrestuar të dyshuarit e rastit “Vrasje e rëndë” Pët çdo zhvillim të ri eventual ju njoftojmë me kohë”, tha Hashani.

Kujtojmë se të dielën vendi u tronditë nga vrasja e trefishtë që ka ndodhur në Gjilan.

Ngjarja tragjike ngjalli reagim të ashpër në opinonin publik duke vënë në pikëpyetje funksionimin e sistemit të drejtësisë./Arbresh.info